БАРИЛГЫН САЛБАРЫН АХМАД ИНЖЕНЕРҮҮДЭД ХҮНДЭТГЭЛ ҮЗҮҮЛЭВ

Энэхүү арга хэмжээ нь барилгын салбарын залгамж чанарыг бэхжүүлэх, үе үеийн инженерүүдийн туршлага, мэдлэгийг үнэлэх, залуу үеийнхэнд өвлүүлэх зорилготой байлаа. Уламжлал ёсоор ахмад инженерүүдийн хөдөлмөр зүтгэлийг үнэлж, тэдний бүтээн байгуулалтад оруулсан хувь нэмрийг тэмдэглэн, Монголын Барилгын Инженерүүдийн Холбоо-ны зүгээс талархал илэрхийлэв.

Тус холбооны удирдлагууд болон салбарын төлөөллүүд ахмадууддаа хүндэтгэл үзүүлж, сар шинийн баярыг тохиолдуулан гарын бэлэг гардуулж, халуун дулаан яриа өрнүүлсэн юм. Ахмадууд барилгын салбарын хөгжлийн чиг хандлага, өнөөгийн байдал, цаашдын боломжуудын талаар санал бодлоо хуваалцаж, залуу инженерүүдэд мэргэжлийн зөвлөгөө өгсөн нь арга хэмжээний онцлох хэсэг байлаа.

Монголын барилгын салбарын хөгжилд үнэтэй хувь нэмэр оруулсан ахмад үеийнхэндээ эрүүл энх, урт удаан наслахын өлзийтэй ерөөлийг өргөж, тэдний хуримтлуулсан баялаг туршлага, үнэт сургаалыг залгамж халаа болсон инженерүүддээ түгээн дэлгэрүүлэхийг уриаллаа.

Монголын Барилгын Инженерүүдийн Холбооноос цаашид ахмад, дунд, залуу үеийн инженерүүдийг нэгтгэсэн олон талт үйл ажиллагааг зохион байгуулах бөгөөд инженерүүдийн харилцаа холбоог бэхжүүлэх, салбарын хөгжлийг дэмжих чиглэлд идэвхтэй ажиллахаа онцоллоо.

Нийтэлсэн: 2025-02-27