• 976-11-330985
  • info@mace.org.mn

Улс орны хөгжил, бүтээн байгуулалтын уураг тархи нь болсон барилгын салбарын инженерүүд, үе үеийн ахмадууд, салбарын алдар гавьяатнууд Та бүхнийхээ амар амгаланг айлтгая.  

Монголын Барилгын Инженерүүдийн Холбоо 1996 онд байгуулагдсан цагаасаа хойш тасралтгүй үйл ажиллагаагаа явуулж салбарын норм стандартыг хөгжүүлж боловсронгуй болгох, олон улсын мэргэжлийн холбоодтой хамтран ажиллаж туршлага солилцох, инженерүүдийн мэдлэгийг дээшлүүлж давтан сургах, гишүүдийнхээ эрх ашгийг хамгаалж төр засагт тэдний дуу хоолойг хүргэх гэх зэрэг олон ажлыг тууштай үргэлжлүүлэн ажиллаж байгаа нээлттэй ардчилсан засаглалтай төрийн бус байгууллага билээ.

Энэхүү эргэх холбоог түүчээлээлэн ажиллаж байсан Ерөнхийлөгчид, хүндэт гишүүд, ажлын албаныхан, инженерүүд, гишүүд, дэмжигчид Та бүхэндээ 25 жилийн түүхт ойн мэндийг онцлон хүргэж байна.

XI Их хурлаар сонгогдсон Удирдах зөвлөлийн гишүүдийн хамтаар мөрийн хөтөлбөрт тусгагдсан ажлуудыг нарийвчлан төлөвлөн гүйцэтгэж холбооны үйл ажиллгааг өргөжүүлж шинэ шатанд гаргах зорилт тавин ажиллаж байна.

Барилга, дэд бүтэц, инженерингийн салбарт ажиллаж байгаа инженерүүд Та бүхнийг бидэнтэй нэгдэн хамтран ажиллаж салбарынхаа хөгжилд түүчээлэн оролцож, ахмад, дунд, залуу үеийн мэргэжилтнүүдтэй туршлагаа хуваалцаж, өөрийгөө хөгжүүлж идэвхтэй иргэн, идэвхтэй инженер байхыг уриалж байна.

Барилгын салбар амжилт бүтээлээр дүүрэн байж, сайн үйлс бүхэн дэлгэрэх болтугай.

 

МОНГОЛЫН БАРИЛГЫН ИНЖЕНЕРҮҮДИЙН ХОЛБООНЫ УДИРДАХ ЗӨВЛӨЛИЙН ДАРГА БӨГӨӨД ЕРӨНХИЙЛӨГЧ      АМАРБААТАРЫН АРИУНБОЛД

  • Монгол улс, Улаанбаатар хот, Баянгол дүүрэг, 16-р хороо, Энхтайваны өргөн чөлөө, 45/2, МБИХ-ны байр, УБ шуудан 44/7
  • Утас: +976- 11- 330985
  • Fax: +976- 11- 330985
  • Email: info@mace.org.mn
Copyright © 2020 mace.org.mn. All rights reserved.