“Монголын Барилгын Инженерүүдийн Холбоо“

"ОЮУТНЫ ТЭТГЭЛЭГТ ХӨТӨЛБӨР-2024" ЗАРЛАГДЛАА

Холбооны зүгээс Барилгын салбарт ажиллах шинэ залуу боловсон хүчнийг бэлтгэх, дэмжих зорилгоор

- Иргэний ба үйлдвэрийн барилгын инженер;
- Халаалт, агаар сэлгэлт, кондиционерийн инженер;
- Ус хангамж, ариутгах татуургын инженер;
- Усны барилга байгууламжийн инженер

мэргэжлээр өдрийн ангид суралцаж буй нийт 2 /хоёр/ оюутанд 2024/2025 оны хичээлийн жилийн сургалтын төлбөрийн “2024 оюутны тэтгэлэгт хөтөлбөр”-өө зарлаж байна.

2024-2025 оны хичээлийн жилд

1 оюутанд 100%
1 оюутанд 50% сургалтын төлбөрийг олгоно.

ТАВИГДАХ ШААРДЛАГА:

1. Монгол Улсын иргэн;

2. Монгол Улсад магадлан итгэмжлэгдсэн улсын болон хувийн их, дээд сургуулийн II, III курсад дээрх мэргэжлээр суралцаж байгаа;

3. Төрийн сангийн болон бусад ямар нэгэн тэтгэлэгт хамрагдаагүй байх; /Өөр тэтгэлэгт өргөдөл өгөөгүй байх/.

4. Сурлагын үнэлгээний голч дүн буюу GPA 3.6 буюу түүнээс дээш байх;

5. Эрдэм шинжилгээ, судалгааны ажилд оролцдог байх;

7. Урлаг, спортын арга хэмжээнд оролцдог, нийгмийн идэвхтэй байх.

БҮРДҮҮЛЭХ МАТЕРИАЛ:

1. Тэтгэлэг хүсэх болсон шалтгаан, үндэслэлээ тайлбарласан хувийн өргөдөл;
2. Сурлагын дүнгийн албан ёсны хуулбар;
3. Зөвлөх багшийн тодорхойлолт захидал;
4. Тус тэтгэлгийг авснаар барилгын салбар, улс эх орондоо оруулж болох хувь нэмэр, ач холбогдлын талаархи өөрийн үзэл бодлыг тусгасан товч ЭССЭ бичвэр /300-600 үгтэй/;
5. Тавигдах шаардлага хангасныг нотлох баримт бичгийн хуулбар.

МАТЕРИАЛ ХҮЛЭЭН АВАХ СҮҮЛИЙН ХУГАЦАА:

Бүрдүүлсэн материалыг 2024 оны 11 сарын 29-ны Баасан гарагийн 17:00 цаг хүртэл Монголын Барилгын Инженерүүдийн Холбооны байр, Үйл ажиллагааны албанд цаасаар хүлээн авна.

ЖИЧ:

1. Хоёр дахь удаагаа дээд боловсрол эзэмшиж байгаа суралцагчид энэхүү тэтгэлэгт хамаарахгүй.

2. Хугацаа хоцорсон болон дутуу материалыг хүлээн авахгүй.

Нийтэлсэн: 2024-11-04

Монгол улс, Улаанбаатар хот, Баянгол дүүрэг, 16-р хороо, Энхтайваны өргөн чөлөө, 45/2, МБИХ-ны байр, УБ шуудан 44/7
Утас: +976- 11- 330985
Fax: +976- 11- 330985
Email: info@mace.org.mn

"ОЮУТНЫ ТЭТГЭЛЭГТ ХӨТӨЛБӨР-2024" ЗАРЛАГДЛАА

Холбоос