МОНГОЛЫН БАРИЛГЫН САЛБАРЫН БОУЛИНГИЙН ТЭМЦЭЭН БОЛНО

 МОНГОЛЫН БАРИЛГЫН ИНЖЕНЕРҮҮДИЙН ХОЛБОО ТББ БОЛОН

ПРЕМИУМ ХХК-ИЙН ХАМТРАН ЗОХИОН БАЙГУУЛЖ БУЙ

БАРИЛГЫН САЛБАРЫН БОУЛИНГИЙН ТЭМЦЭЭНИЙ УДИРДАМЖ

 

1. Тэмцээний зорилго

Энэхүү тэмцээн нь Монголын барилгын салбарт үйл ажиллагаа явуулж буй аж ахуйн нэгж, байгууллагууд, барилгын салбарт ажил хөдөлмөр эрхэлж байгаа инженерүүд болон ИТА-нуудын нийгмийн идэвх, оролцоог дээшлүүлэх, эрүүл мэндийг сайжруулах, чөлөөт цагийг үр бүтээлтэй өнгөрүүлэх, боулингийн спортыг сурталчлан таниулж хөгжүүлэх, спортын ур чадварыг сайжруулах зорилготой.

2. Тэмцээний хугацаа

2024 оны 01-р сарын 27-ны Бямба гарагийн 09.00 цагт UG Bowling дээр зохион байгуулагдана.

3. Онцлог, Хамрах хүрээ

Барилгын салбарын төрийн болон төрийн бус байгууллагууд, зураг төсөл, угсралт, материалын үйлдвэрлэлийн чиглэлээр үйл ажиллагаа эрхлэгч аж ахуйн нэгж байгууллагуудын удирдлага, мэргэжилтэн, инженер техникийн ажилтнууд нэгдэн багаа бүрдүүлж оролцоно.

4. Тэмцээн явуулах журам

•      Тэмцээнд оролцох багийн бүрэлдэхүүн нь нийт 5 хүнтэй байх. Баг бүрт 3 эрэгтэй, 2 эмэгтэй тамирчин байна.

•      Тэмцээнд баг тус бүр эхний шатанд 3 тоглолт хийх бөгөөд багийн нийт оноогоор эхний 8 байрт шалгарсан багууд шөвгийн тоглолтонд оролцоно. Шөвгийн тоглолтонд орсон багууд нь плэй-оффын зарчмаар тоглож шагналт байрыг шалгаруулна.

•      Шөвгийн тоглолтонд орохдоо багууд мэдүүлэгт дурдсанаас өөр тамирчин оруулахыг хориглоно.

•      Шилдэг эрэгтэй, эмэгтэй тоглогчийг нэг тоглолтонд хамгийн өндөр оноо авсан тоглолтоор шалгаруулна.

•      Тэмцээнд оролцох тамирчид тэмцээнийг хүндэтгэх үүднээс өөрийн байгууллагын нэртэй /логотой богино ханцуй бүхий футболк болон биеийн тамирын өмдтэй байх.

•      Тэмцээн зохион байгуулж буй газрын шаардлагыг биелүүлж гадны гуталтай тоглохгүй тухайн газраас өгөх зориулалтын гутлыг өмсөх.

•      Тамирчид цагийг хатуу баримтлах ба тэмцээнд оролцож байгаа багаас 1 тамирчин нь 5 минут хоцорсон тохиолдолд тамирчныг хасч 00 оноогоор тооцож нийлбэр оноог гаргана.

5.  Мэдүүлэг хүлээн авах:

Тэмцээний мэдүүлгийг admin@mace.org.mn хаягаар /доорх линкээр/ болон МБИХ-ны байранд 2024.01.25-ны 18:00 цаг хүртэл хүлээн авна.

Жич: хугацаа хэтэрч мэдүүлэг өгсөн тохиолдолд хүчингүйд тооцно.

Мэдүүлэг ирүүлэхдээ анхаарах зүйлс:

                1.    Багийн тамирчдын нэрс, албан тушаалын мэдээллийг бүрэн оруулах;

                2.    Баг, тамирчдын тэмцээнд оролцох хураамж төлсөн баримтыг хавсаргах;  

6.         Бүртгэлийн хураамж:

                ·         Баг тус бүр:  250.000₮

                ·         Хүлээн авах данс: Голомт банкны 3150001672 тоот харилцах данс. Хүлээн авагч: МБИ Холбоо. Гүйлгээний утга: багийн нэр эсвэл байгууллагын нэр, регистер бичих

7.         Шагнал:

I байр: Цом, медаль, мөнгөн шагнал 2.500.000₮

II байр: Өргөмжлөл, медаль, мөнгөн шагнал 1.500.000₮

III байр: Өргөмжлөл, медаль, мөнгөн шагнал 1.000.000₮

Шилдэг эрэгтэй тоглогч /1 тамирчин/: Батламж, мөнгөн шагнал 500.000₮

Шилдэг эмэгтэй тоглогч /1 тамирчин/: Батламж, мөнгөн шагнал 500.000₮

8. Анхааруулах зүйлс:

•    Хоол, ус, ундааны хаягдлыг зориулалтын хогийн саванд хаях.

•    Тамхийг зөвшөөрөгдсөн газарт татах.

•    Архи согтууруулах ундааны зүйл хэрэглэн ирэх, тоглолтын үеэр хэрэглэхийг хориглоно.

•    Нийт тамирчид өөрийн солих хувцас, эд зүйлээ өөрөө хариуцна.

•    Гээсэн, алдагдсан эд зүйлийг зохион байгуулах комисс хариуцахгүй болно.

9.Техникийн зөвлөгөөн:

•    2024 оны 01-р сарын 26-ны өдрийн 18:00 цагт UG Боулинг төвд явагдана.

•    Техникийн зөвлөлийн хуралдаан дээр мэргэжлийн шүүгч ирж шүүлтийн зарчмыг танилцуулан, тайлбарлана.

•    Тэмцээний тоглолтын хуваарь болон тоглох замыг сугалааны журмаар гаргана.

Хаяг: Баянгол дүүрэг, 16-р хороо, Баруун 4 зам, Макс Молл төвийн зүүн талд МБИХ-ны байр.

Утас: 11-330985, 94940985

Тэмцээнд оролцох бол дараах линкээр бүртгүүлнэ үү. ЛИНК

ЗОХИОН БАЙГУУЛАХ КОМИСС:

МБИХ ТББ-ЫН АЖЛЫН АЛБА

"ПРЕМИУМ БЮЛДИНГ МАТЕРИАЛС" ХХК-ИЙН МАРКЕТИНГИЙН АЛБА

Нийтэлсэн: 2024-01-22