MACE ANNUAL MEETING 2022-Т ИЛТГЭЛ ТАВИХ МЭРГЭЖИЛТНҮҮДИЙГ УРЬЖ БАЙНА

Хурал, семинар

Холбоо нь жил бүр уламжлал болгон  хамтын ажиллагаатай гадаадын  мэргэжлийн холбоодыг урьж гишүүддээ болон үндэсний барилгын инженерүүдэд зориулсан олон улсын техникийн семинарыг зохион байгуулдаг уламжлалтай билээ. Сүүлийн 2 жилд дэлхий нийтээр тархсан Ковид өвчний улмаас зохион байгуулагдаагүйг та бүхэн мэдэх билээ.

2022 оны Олон улсын техникийн семинарыг Удирдах зөвлөлийн шийдвэрийн дагуу 6 дугаар сарын 23-нд “БЕТОНЫ ТЕХНОЛОГИ” сэдвээр зохион байгуулахаар товлолоо. 

Семинарт хамтын ажиллагаат Япон, Солонгос, Тайвань зэрэг орнуудын барилгын инженерүүдийн холбооны төлөөлөгчид “Бетоны технологи” сэдэвтэй холбоотой бетоны ажлын талаар болон шинэ техник технологийг танилцуулсан илтгэлүүд тавьж, өөрийн орны туршлагаасаа хуваалцах болно.

Семинарт тавих илтгэл бүр 15 минут үргэлжлэх бөгөөд илтгэл тавих сонирхолтой салбарын мэргэжилтнүүд өөрийн танилцуулга, сэдвээ 2022 оны 05 сарын 25 (Лхагва гариг) -ны дотор mace@mace.org.mn цахим хаягаар ирүүлнэ үү.  Илтгэлийн сэдвийг зохион байгуулах комисс хянаж, зөвшөөрөл өгнө.

Семинарт оролцогчдыг бүртгэх бүртгэл 6-р сарын 2-нд нээгдэнэ.

Төлбөр 100.000 төгрөг ба холбооны гишүүд 50 хувийн хөнгөлөлттэй оролцоно.

Дэлгэрэнгүй хөтөлбөрийг 6-р сарын 2-ны өдөр танилцуулна.

ЗОХИОН БАЙГУУЛАХ КОМИСС

11-330985, 94940985, 94940986

Эхлэх огноо: 2022-05-11

Байршил: МБИХ

Нийтэлсэн: 2022-05-11